Ոտնաթաթերի «ոսկրիկներ». armeniamedicalcenter.am

Գոյություն ունեն մի քանի հիմնական գործոններ, որոնք նպաստում են ոտնաթաթերի «ոսկրիկների» առաջացմանը.

• Ժառանգական նախատրամադրվածություն:
• Հորմոնալ դիսբալանս, որը նպաստում է այս խնդրի զարգացմանը դեռահասության շրջանում, երբ ձևավորվում է հորմոնալ համակարգը, հղիության ընթացքում, երբ նույնպես հորմոնալ տեղաշարժեր են ընթանում, ինչպես նաև՝ դաշտանադադարի ժամանակ:
• Հարթ ճանապարհները: Քանի որ մեր նախնիները քայլել են բոկոտն, քարքարոտ տեղանքով, անտառներում, դաշտերում, ինչը կոփել է ներբանները: Իսկ այսօր մեր ներբանները զրկված են բնական «մարզումներից», որոնք օգնում էին խուսափել նման խնդիրներից:
• Անհարմար կոշիկներ:  Նեղ, բարձրակրունկ, ծանր պլատֆորմներով կոշիկները մեծացնում են ոտքերի և ամբողջ հենաշարժական համակարգի վրա ծանրաբեռնվածությունը` հատկապես ավելորդ քաշի դեպքում:
• Ծանր ֆիզիկական աշխատանք: Աշխատանքի և հանգստի սխալ ռեժիմ, կանգնած աշխատանք, երբ մարմնի քաշը նպաստում է ոտնաթաթի բնական դիրքի փոփոխությանը, ոսկրերի և մատների թեքումներին:

Ինչպե՞ս կանխարգելել ոտնաթաթերի խնդիրների առաջացումը:

• Կոշիկներն ընտրել բնական նյութից  (կաշի, զամշ), հարմարավետ՝  2-6 սմ-ից ոչ ավելի կրունկներով:
• Առկա խնդրի դեպքում՝ վնասվածքաբանի հետ խորհրդակցելուց հետո, օգտվել անհատական ներդիրներից
• Կատարել ոտքերի մարզումներ և մերսում. դրանք կվերականգնեն ոտնաթաթերի տոնուսը և շարժունակությունը

Խնդիրների ժամանակին կանխարգելումը և բուժումը կօգնի խուսափել կամ ազատվել ոտնաթաթերի ոսկրիկներից:

Եթե այդ ոսկրերն առաջացնում են ցավ, որը խանգարում է նորմալ քայլքին, ապա նշված միջոցառումները չեն կարող վերացնել առաջացած խանգարումը, և անհրաժեշտ է անպայման դիմել վնասվածքաբան-օրթոպեդի:

Հարցեր, պատասխաններ, մեկնաբանություններ